Petroskoin tevolližuon histourien muzei

Petroskoin tevolližuon histourien muzei
Perustandan päivymiäry	1838
Avuandan päivymiäry	Joga päiviä 11.00 - 17.00, huogavopäivy — enzimäinargi
Olopaikku	Ven'a
Adressi	Ven'a, Karjalan tazavaldu, Petroskoi, Ravvanvalandulagevo, taloi № 1
Verkosivusto	techmuseum.pro
Медиафайлы на РУВИКИ.Медиа

Petroskoin tevolližuon histourien muzei (ven. Галерея промышленной истории Петрозаводска) on Petroskoin linnan vahnimii muzeiloi, se on perustettu vuvvennu 1838. Muzei ruadau endizen Oniegan traktoruzavodan erähäs huonukses.

Muzein histourii

Petroskoin linnan tevolližuon muzein histourii ottau allun vuvves 1838, konzu Oniegan traktoruzavodan tyveh (enne Aleksandrovskoin tykkivalanduzavodu) avattih Kaivosmuzeum (ven. Горный музеум). Muzein ozuttelun perusezinehinny oldih zavodan tuottehet da luajilmukset. Muzeidu perustettih kaivospiälikön Roman Adamovič Armstrongan johtol. Kaivosmuzein käräilemis rodih vuvvennu 1871 avatun Anuksen luonnontiedo-tevolližuon da histourii-etnogruafiellizen muzein pohju.

Muzei elvytettih 12. syvyskuudu vuvvennu 1967. Oniegan traktoruzavodan histourien muzei sijoitettih OTZ:n Kul’tuurutaloih Gogol’an uuličal.

1990 vuozinnu Kul’tuurutaloin myöndän da zavodan kriizissutilandehen periä muzei pidi salvata.

27. kezäkuudu vuvvennu 2003, zavodan da linnan 300-merkipävän pruazniekkupidoloin aigua, muzei uvvessah avai omat veriät. Sit aijas muzei ruadoi zavodan vuvvennu 1949 nostetun polikliiniekan endizes huonukses Kalininan uuličal (zavodan alovehel).

Vuvvennu 2009 muzei uvvessah oli salvandan kynnyksel, konzu Oniegan traktoruzavodu piätettih kogonah siirdiä zavodan toizele paikale Tidenan ajotien kohtal. Sidä vastah nostih Oniegan traktoruzavodan veteruanat da Petroskoin linnan Nevvoston deputuatat.

Sulakuus vuvvennu 2009 Karjalan tazavallan Zakonoinluajindukerähmön da Petroskoin linnan yhtistynnyön kehitystoimikunnan piälikkö Nikolai L’ovin ezityi ehoituksenke säilyttiä muzei da ostua se zavodal. Karjalan tazavallan piämies Sergei Katanandov omas puoles ehoitti muuttua Oniegan traktoruzavodan muzei Karjalan tevolližuon muzeikse, kudai olis Karjalan valdivollizen kodialovehmuzein alaozastonnu. Jälles sidä nimidä enämbiä ei ruattu muzein ostamizekse linnan omistukseh. Muga muzein salbuandan varavo jäi, sen periägi Kodialovehmuzein ruadajat da Karjalan valdivollizen padagouguinstituutan opastujat omal tahtol piettih ruadoloi muzein sähköluvettelun luadimizekse.

Vuvvennu 2010 kilvan tuloksien mugah Oniegan traktoruzavodan aloveh siirrettih sijoitus-ja kehityskompuanien Ohta-Gruppan ohjavoh.

17. syvyskuudu vuvvennu 2011 kunnostusruadoloin jälles, kudamii omil varoil pidi "Ohta-grupp", Oniegan traktoruzavodan histourien muzei avattih uvvessah jo toizel Petroskoin tevolližuon histourien muzei -nimel.

Vuvvennu 2016 federuallizien zakonoin mugah, kuduat kieltäh ei-valdivollizil laitoksil käyttiä omis nimilös Muzei-terminiä, muzein nimi oli muutettu Tevolližuon histourien gallerei -nimekse.

Tänäpäi Gallerei on ainavo ozuttelutila Karjalas, kudai ezittäy Petroskoin histourien mielenkiindostu da merkittäviä kerrostu: linnanperustajien laitoksien kehitysty Petrovskoin zavodas lähtijen. Gallerein ozuttelu yhtistäy Oniegan traktoru- da Avangard-laivannostanduzavodien varastoloih perustujan aiheozuttelun, sego uuzii instal’acieloi linnan tevolližushistouries.

Tiemuzualat

Väliaigaine ozutteluzualu on tila mielužien ristikanzoin uuzih projektoih da omaničenozutandah niškoi.

Interaktiivizien ozutteluezinehien zualu on tiedo-tehnielline tila fiiziekan da mehuaniekan zakonoin interaktiivututkimizeh tevolližuos da jogapäiväzes elokses. Zualas on nygyaigastu hands-on -ozutteluezinehty, kuduat voijah jällittiä erilazii tuotandokonehii. Da niidy suau daigi pidäy ottua käzih.

Histourielline zualu on linnan histouriele omistettu tila, sit suau kai tiijustua Petrovskoin slobodas, Petrovskoin da Aleksandrovskoin zavodis, Petroskois — valajien linnas.

Petroskoin tevolližuszualu: Aleksandrovskoin zavodan histouries XX vuozisuan allus Oniegan mehuaniekku- da matallurgiizavodassah da Oniegan traktoruzavodan kehittymizeh, Avangard-zavodan nostandah da kehitykseh.

Ozuttelu perustuu malliloih da makiettoih Petrovskoin da Aleksandrovskoin zavodien, Oniegan mehuaniekku- da matallurgiizavodan, Oniegan traktoruzavodan da Avangard-laitoksen eri aigukauziloin tuottehis. Gallerein ozutteluezinehien joukos ollah jadrat, tykit, Oniegan traktoruzavodan nostandu- da kunnostusruadoloin aigua löyttyy taidovalandan vehkehty, traktoroin da laivoin makietat, fotokartočkat, mustoflavut da äijy midä muudugi. Erähil ezinehil on kahtessuas kolmehsadassah vuottu igiä.

Mielenkiindozimii ozutteluezinehii ollah vuvvennu 1788 srojitun Ven'an enzimmäzen raududorogan oza, kudai on pandu ezile alovehele Gallerein tulenduveriäs. Histouriellizes zualas suau tuttavuo taidovalandan malliloih, Petrovskoin da Aleksandrovskoin zavodien ruadopajoin toimijoih modeliloih.

Huomavukset