Belomorskan kodialovehmuzei

Ven'an Federacien kul'tuuruministerstvu

Ven'an Federacien kul'tuuruministerstvu

Belomorskan kodialovehmuzei
Adressi	Karjalan tazavaldu, Belomorsku, Ligakuun uuličču, taloi № 5 А
Johtai	Ščukovskii Sergei Valentinovič
Verkosivusto	Официальный сайт

Belomorskan kodialovehmuzei (ven. Беломорский краеведческий музей) on muzei Belomorskan linnas Karjalan tazavallan Belomorskan piiris. Muzei pidäy ruadoloi Belomorskan piirin kul’tuuruperindön säilyttämizekse da sen tiedoloin levittämizekse. Sen keräilemis on enämbi 6000 ozutteluezinehty, kudamat sanellah Pomorjan alovehen elaigua da eloksentabua, alovehen histouriedu, niilöis eläy musto Suures Ižänmuallizes voinas da sen urhollizis sivulois. Muzei perustettih vuvvennu 1961, silloi se oli piirin kodialovehmuzei "Vienanmeren kallivopiirrokset".

Muzein histourii

Muzei perustettih Belomorskan piirin haldivon suojelukses da sen alazekse. Perustamizes lähtijen muzeis rodih merkittävy keskus, kus tutkitah da säilytetäh Pomorjan alovehen kul’tuuruperindyö. Vuvvennu 2008 muzein toimindan uvvistanduruadoloin hantuzis sie avattih ozutteluzualu.

Muzein keräilemy

Muzein alallizes keräilemäs ruokos on enämbi 6000 säilytändy-ykkösty. Ozutteluezinehis kuvastuu pomoroin kul’tuuran bohatus, eloksentavan perindöt da talovus, net dokumentoijah histourien tärgielöi tapahtumii. Erinomazel paikal muzeis ollah belomorskalazien — Suuren Ižänmuallizen voinan veteruanoin, sportumiehien, opastajien da linnan kunnivokanzalazien — dokumentat, fotokartočkat da omat vešit. Nämmä keräilemät ollah tutkimusruadoloin da ozuttelutoimindan perustehennu čupun histourien syväh tutkimizeh niškoi.

Muzein ozuttelut

Muzein ozuttelu on ezil zualas, kudai avattih vuvvennu 2008. Alallizen ozuttelun ližäkse muzeis joga vuottu järjestetäh 10-12 temuattistu ozutteluu, kudamien kauti ezitetäh Belomorskan piirin kul’tuuran da histourien perindön erilazii nägökohtii.

Muzein toimindu

Muzein toimindu on monipuoline. Muzein varastoloin täyttämizen da säilyttämizen ližäkse kul’tuurulaitos aktiivizesti pidäy suurdu kodialovehellistu tutkimusruaduo da opastusprogrammoi, järjestäy ozutteluloi da kul’tuurupidoloi. Muzei on yhtehizis ruadolois Belomorskan piirin haldivonke.

Huomavukset

Linkat

• Официальный сайт Беломорского краеведческого музея
• Государственный каталог Музейного фонда Российской Федерации