Ivan Meškov

Ivan Andrejevič Meškov
Roindupäivy	3. syvyskuudu 1910(1910-09-03)
Roindukohtu	Kursku
Kuolendupäivy	3. ligakuudu 1943(1943-10-03) (33 vuottu)
Kuolendukohtu	Novije Petrovici -kylä, Višegorodskoi piiri, Kijevan aloveh, Ukrainu
Kuulundu	Nevvostoliitto
Voiskien laji
Palvelun vuvvet	1931—1938 1941—1943
Arvonimi
Torat/voinat	Suuri Ižänmualline voinu
Palkindot

Ivan Andrejevič Meškov (3. syvyskuudu vuvvennu 1910 — 3. kylmykuudu vuvvennu 1943) on Nevvostoliiton urhomies, ammundupolkan bataljonan varapiälikkö, vahnembi leitenantu.

Eloskerdu

Oli roinnuhes ruadajan pereheh, loppi alguškolan.

Vuvvennu 1931 händy kučuttih Ruadajien da muanruadajien Ruskieh Armieh, sluuži Karjalan rajavardoičusozastolois.

Vuvvennu 1938 oli piästetty armiespäi, ruadoi avtobuazal Kurskas. Vuvves 1939 kuuluu Kogo Тevvostoliiton bol’ševiekkoin kommunistizeh partieh.

Sulakuul vuvvennu 1941 händy uvvessah otettih armieh, työttih lendovoimien nuorien piälikkölöin kursiloile, rodih ambujakse lendäjäkse. Kodvazen sluuži lendovoimien ozastos Pohjazes Kavkuazas.

Jälles jygiedy ruanitestu da parandustu gospitalis Meškovua piästettih lendovoimien sluužbas, sit häi opastui ammunduozastoloin piälikkölöin kursiloil da syvyskuul vuvvennu 1943 händy työttih Voronežan frontale. Oli Kurskan toran ozanottajannu.

Dnepran ylittäjes 2. kylmykuudu vuvvennu 1943 38. armien 136. ammundudiviizien 342. ammundupolkan bataljonan varapiälikkö vahnembi leitenantu Ivan Meškov vaihtoi bataljonan endizen piälikön, bataljonan avul valloitti vihollizen kaksi suojushavvan liiniedy da pietteli kentiä vastustajen vihollizen atuakkoi piävoimien tulendassah. Oli kaksi kerdua ruanittu, ga ei lähtenyh iäre bojukentäspäi. Sai surman 3. kylmykuudu vuvvennu 1943.

Oli ezitetty Nevvostoliiton urhomiehen arvonimen suajakse urhakkahuos da urholližuos Dnepran ylittäjes da kentän piettelendäs. Nevvostoliiton Korgeviman Nevvoston Prezidiuman käskys "Nevvostoliiton urhomiehen arvonimien annandas Ruskien Armien generualoile, oficieroile, seržantoile da saldatoile" 10. pakkaskuudu vuvvennu 1944 "johtokunnan bojutehtävien kunnollizes täyttämizes frontal fašistoi vastah da rohkevuos da urholližuos" kuoltuu sai Nevvostoliiton urhomiehen arvonimen Leninan kunnivomerkin da Kuldaine Tiähti -medalinke yhtes.

On pandu muah Velleskalmah Ukrainan Kijevan alovehen Borispol’skois piiris.

Palkindot da arvonimet

• Leninan kunnivomerki;
• Kuldaine Tiähti -medali.

Pereh

• Akkah — Anastasija Sem’onovna Meškova (F’odorova), ruadoi algukluassoin opastajannu Karjalan avtonoumizen socialistizen nevvostotazavallan Kolatsellän kyläs, poigah — Jevgenii.

Musto

• Petroskois I. A. Meškovan kuva on Nevvostoliiton urhomiehien gallereis.

Huomavukset

Kirjalližus

• Грен В. Дорогой мужества. [И. А. Мешков] — Петрозаводск, Госиздат КАССР, 1962. — 63 с. с портр.
• Золотые Звёзды курян. — Воронеж, 1966. / стр. 246.
• Герои земли советской. — Петрозаводск: Карельское книжное издательство, 1968. — С. 156—168. — 367 с. — 20 000 экз.
• Героям Родины слава! / науч. ред. Е. С. Гардин. — Изд. 3-е, испр. и доп. — Петрозаводск: Карелия, 1985. — 302 с.: ил.

Linkat

• Ivan Meškov (рус.). Muan urhomiehet -verkosivusto.
• Выписка из наградного листа.