Maksim Potašev
| Maksim V'ačeslavovič Potašev | |
|---|---|
 | |
|
| |
 Piluotattomien lendoapparuttoin ozaston piälikkö
 |
|
| Prezidentu | Vladimir Putin |
|
|
|
| Roindu |
1994 Šun’ga, Karhumäin piiri, Karjalan tazavaldu |
| Palkindot |
   |
| Armii | |
| Kuulundu |
 Ven'anmua |
| Voiskien laji | Ven’an Federacien muavoiskat |
| Arvonimi | nuorembi leitenantu |
| Komanduičči | Piluotattomien lendoapparuttoin ozasto |
 Медиафайлы на РУВИКИ.Медиа | |
Maksim V'ačeslavovič Potašev (ven. Макси́м Вячесла́вович Пота́шев; roin. 1994, Šun'ga, Karjalan tazavaldu) on Ven'an Federacien ammundutarbehil varustettuloin voimien sodamies, nuorembi leitenantu, 138. erillizen gvardien Krasnosel’skoin Ruskien Flavun Leninan kunnivomerkin motoammundubriguadan Piluotattomien lendoapparuttoin ozaston piälikkö. Ven'an Federacien urhomies (2023)[1].
Enzipäivis otti ozua erillizeh sodaoperacieh. Kuččutunnuksennu frontal on "Zadira"[2].
Urhotego
Maksim Potašev rodih enzimäzekse Piluotattomien lendoapparutan ohjuajakse, kudai sai korgien valdivollizen palkindon — Nevvostoliiton urhomiehen "Kuldazen tiähten".
Sen pani merkile Ven'an piämies Vladimir Putin palkičendupivos Kremlin Suures dvorčas:
Palkittuloin joukos on niilöi, ket bojutehtävii täyttäjes lykykkähäh käytettih nygyaigazii tehnolougieloi, piluotattomii lendoapparuattoi, ket surmua varuamattah pellastettih, evakoittih ruanittuloi saldattoi[3].
Ozasto Potaševan johtol hävitti Ukrainan ammundutarbehil varustettuloin voimien 11 raudusuojusmašinua da läs sadua Ukrainan sodaozastoloih kuulujua[2]. Urhotevon erähis šeikois rodih paginua Vladimir Putinanke ei-virrallizen paginan aigua, Vladimir Putin pani merkile:
Tiijän, ku sie ei ole kebjei. Elaigu frontal, konzu ammutah, konzu nämmä [piluotattomat — toim.] lennetäh kui kiärbäzet — se on äijiä jygiembi da prouzallizembi, migu juondumal’l’u šampanskoidu Urhomiehien palkičendupivos Kremlin dvorčan paviljonois. Ga teijän bojuruavos ylen äijy rippuu Ven'an tuliel aigua[4].
Saldattu äijän kerdua eisti Ukrainan ammundutarbehil varustettuloin voimien tulendua Ven'an Federacien Ammundutarbehil varustettuloin voimien enzimäzen puolistusliinien tuakse[2]. Pagizutandas saneli tarkukohtis, kui novvatti yhten ukrainalazen DRG:n:
Minä näin vihollizen sodamiehii kahtes čuasus. Jo ellendin, kunne da kui ruvetah astumah.Meijän miehet vuotettih heidy salvattulois ammundupozicielois. Vihaniekku oli ymbäröitty, ei ehtinyh nimidä ruadua, a abuh tulijat jo varattih tulla. Meil ei olluh niyhty ruanittuu, a vihollizen kai sodamiehet oli hävitetty[2].
Ohjuamah sodadronoi Maksim opastui erillizen sodaoperacien aigah. Hänenke yhtes sluužijat sanotah händy briguadan "silmikse", sendäh ku häi operatiivizesti novvattau vihollistu, ei anna heile tulla pozicieloin luo da nenga pellastau omii:
Tottu sanuo Zadira joga päiviä luadiu mittumantahto urhotevon: kolonnan pellastau, sit vie yhten. Häi nostau "linduzen" — da kai nägöy[2].
Palkičendu
Maksim Potaševale annettih "Kuldaine Tiähti" Kremlin Suuren dvorčan Georgien zualas 8. talvikuudu vuvvennu 2023 Ižänmuan Urhomiehien päiviä vaste.
Sinäpiän korgeviman valdivollizen palkindon sai viizitostu sodamiesty, kudamat otettih ozua erillizeh sodaoperacieh: M.V. Dev’atov, D. J. Jer’omin, E. I. Kazimov, A. S. Kornilov, J. S. Mizernii, A. A. Mihailov, D. C. Munkožaralov, I. A. Muhamedejev, M. N. Poluškin, I. D. Spon’akov, N. N. Harčenko, S. J. Hašegul’gov, A. A. Šelest, J. N. Jakubov[5].
Suurin oza palkittulois ollah nuorembah johtokundah kuulujat, se ozuttau oficieroin ruttuo ammattikazvuo erillizen sodaoperacien aigah.
Palkičendupivon lopus Sparta-bataljounan piälikkö Art’om Žoga da toizet Ven'an Federacien Ammundutarbehil varustettuloin voimien sodamiehet kiännyttih Vladimir Putinan puoleh kehoituksenke ottamah ozua vuvven 2024 prezidentan valličukseh[6].
Ližiä tieduo
Maksim Potašev jälles sanoi, ku Ven'an piämies kyzyi, kuspäi häi on rodužin. Konzu tiijusti, ku Potaševan pereh on Karjalan Karhumäin piirispäi, sanoi, ku on čoma tämä mua[7]. Iče sodamies ajoigi sinne lomale palkičendan jälles:
Enzimäine loma täs aijas, omat ylen hyvin otettih vastah. Karjal on minun kohtu. Oniegujärvi minuh nähte on kui meri. Lapsusaijas olen järvel, se tundou minuu dai kai kalat minuu tundietah. Konzu tulen kodih, lähten tuatanke kalah. Voibi sanuo, ku sih niškoi tulin[8].
Maksim Potaševan velli sežo ottau ozua erillizeh sodaoperacieh.
Huomavukset
- ↑ Айсель Герейханова,Владимир Кузьмин. Владимир Путин вручил в Кремле "Золотые Звезды" Героев России. https://rg.ru (8. talvikuudu 2023). Kačondan päivymiäry: 13. talvikuudu 2023.
- ↑ 1 2 3 4 5 Анастасия Чуяшова. «Каждый день совершает подвиг»: командир отряда БПЛА удостоен звания Героя России. https://russian.rt.com (12. talvikuudu 2023). Kačondan päivymiäry: 13. talvikuudu 2023.
- ↑ Вручение медалей «Золотая Звезда» Героям России. http://kremlin.ru (8. talvikuudu 2023). Kačondan päivymiäry: 13. talvikuudu 2023.
- ↑ Павел Зарубин. Москва. Кремль. Путин. https://smotrim.ru (8. talvikuudu 2023). Kačondan päivymiäry: 12. talvikuudu 2023.
- ↑ Награждённые медалями «Золотая Звезда». http://www.kremlin.ru (8. talvikuudu 2023). Kačondan päivymiäry: 11. talvikuudu 2023.
- ↑ Беседа с участниками торжественного мероприятия по случаю празднования Дня героев Отечества. http://www.kremlin.ru (8. talvikuudu 2023). Kačondan päivymiäry: 11. talvikuudu 2023.
- ↑ Герои Отечества. Кто и за что удостаивался высшей награды России. https://tass.ru (9. talvikuudu 2022). Kačondan päivymiäry: 11. talvikuudu 2023.
- ↑ Герой России Максим Поташев приехал домой в Карелию. https://rk.karelia.ru. Kačondan päivymiäry: 13. talvikuudu 2023.
