Vladimir Pčelincev

On otettu Рувики-späi
Vladimir Nikolajevič Pčelincev
Пчелинцев Владимир Николаевич.jpg
Roindupäivy 30. elokuudu 1919(1919-08-30)
Roindukohtu Tambov, Ven'an federatiivine socialistine nevvostotazavaldu
Kuolendupäivy 27. heinykuudu 1997(1997-07-27) (77 vuottu)
Kuolendukohtu Balašiha, Moskovan aloveh, Ven'a
Kuulundu  Nevvostoliitto
Voiskien laji Пехота Войска связи
Palvelun vuvvet 1941—1976
Arvonimi
Полковник Войск связи Красной Армии
Ozasto Leningruadan frontan 8. armien 11. erilline ammundubriguadu
Командовал 5. ammundubataljounan tiijustelun vzvodu
Torat/voinat Suuri Ižänmualline voinu
Palkindot
Герой Советского Союза
Leninan kunnivomerki Орден Отечественной войны I степени Орден Красной Звезды Орден «За службу Родине в Вооружённых Силах СССР» III степени
Медаль «За победу над Германией в Великой Отечественной войне 1941—1945 гг.» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg
RUS Medal 50 Years of Victory in the Great Patriotic War 1941-1945 ribbon.svg
Rezervas vuvves 1976
Логотип РУВИКИ.Медиа Медиафайлы на РУВИКИ.Медиа

Vladimir Nikolajevič Pčelincev (ven. Влади́мир Никола́евич Пчели́нцев, 30. elokuudu vuvvennu 1919 — 27. heinykuudu vuvvennu 1997) on suuren Ižänmuallizen voinan ozanottai, polkovniekku. Tarkahambui. Nevvostoliiton urhomies (1942). II Muailman voinan eräs tuloksellizembii tarkahambujii[1].

Eloskerdu

Elos enne voinua

Vladimir Pčelincev oli roinnuhes Ruadajien da muanruadajien Ruskien Armien piälikön pereheh. Vuozien 1930 alluspäi eli Petroskois. Školavuozinnu suvaičči voimisteluu da mägihnouzeluu, ga suurii suavutuksii hänel oli ammundusportas, häi äijän kerdua oli voittanuh linnan da tazavallan ammundukilvois[2]. Vuvvennu 1938 piäzi opastumah, a kezäkuul vuvvennu 1941 loppi Leningruadan mägi-instituutan geolougizen tutkimuksen tiedokunnan geofiizizen opastualan mugah[3]. Opastundan aigah vuvvennu 1939 sai tarkahambujan ammattineron Osoaviahiman tarkahambujien školas, 22. tuhukuudu vuvvennu 1940 — 1. kluasan ambujan ammattineron, 14. kevätkuudu vuvvennu 1940 sai Nevvostoliiton sportumuasterin arvonimen, а 27. sulakuudu vuvvennu 1940 rodih ammundusportan III tazon instruktorakse.

Suuri Ižänmualline voinu

Heinykuul vuvvennu 1941 omatahtozennu liityi Ruskieh Armieh da rodih 11. ammundubriguadan 5. ammundubataljounan tiijusteluvzvodan piälikökse[4].

6. syvyskuudu vuvvennu 1941 hänen bataljounu azetui Neva-joven oigiele rannale Nevskaja Dubrovka -kylän luo da peitti Ruskien Armien ozastoloin myöstyndiä. 8. syvyskuudu vuvvennu 1941 bataljounan azetuskohtah tuldih hyökkävykseh mennyöt vermahtan motomehaniziiruitut ozastot, sinäpiän oli pandu alguh Pčelincevan bojulugu, häi ambui tarkahambujan vintouhkaspäi kaksi nemsoin saldattua[5].

Konzu Pčelincevan bojuluguh kuului vihollizen 36 ammuttuu saldattua da oficierua, häi algoi valmistua tarkahambujien enzimästy opastusjoukkuo (8 hengie) da kiändyi toizien tarkahambujien puoleh armien Leninskii put’ -lehtes, kehoitti neroloin vaihtandua[5].

Pakkaskuul vuvvennu 1942 Pčelincevua da hänen opastujii kučuttih armien tarkahambujien vastavuspidoh Koltušoih[5].

22. tuhukuudu vuvvennu 1942 Smol’nois piettih Leningruadan frontan parahien tarkahambujien vastavuspido, kudamas Pčelincevale annettih Nevvostoliiton urhomiehen tiähti da tarkahambujan nimelline vintouhku[5].

Voinan enzimäzinny vuozinnu (vuvven 1942 oraskuun lopukse) Pčelincev ambui nemsoin 144 saldattua da oficierua. Tuhukuul vuvvennu 1942 sai Nevvostoliiton urhomiehen arvonimen.

Heinykuul vuvvennu 1942 händy kučuttih frontalpäi iäre da pandih Tarkahambujien ruavon instruktoroin keskusškolan opastajakse Moskovas. Vuvven 1942 elokuus vuvven 1943 pakkaskuussah häi oli Amierikan Yhtysvallois enzimäi Nevvostoliiton delegacieh kuulujannu Kanzoinvälizel opastujien fašistoinvastazel kerähmöl, sit otti ozua kuhkutusmatkah muadu myöte. Järilleh tulduu rubei uvvessah opastamah tarkahambujien školas. Äijän kerdua kävyi toimijah armieh, pidi sie školanloppijoin bojuharjaitteluloi, samal aigua iče kävyi "tarkahambujan ohotale"[6].

Rodih II Muailman voinan tuloksellizembakse tarkahambujakse (ambui vihollizen 456 saldattua, unter-oficierua da oficierua)[1].

Häi musteli[7]:

Vuvven 1943 pakkaskuukse minun bojulugu oli jo sada viizikymmen kaksi fašistua da senke yhtes oli luajittu sada viizikymmen nelli ammundua. Dai voinan aigah se lugu kazvoi nellähsadah viidehkymmeneh kuudeh sah.

Vuvvennu 1944 Pčelincev loppi Korgevimat jalguväin oficierukunnan johtokursit ven. «Выстрел».

Voinan jälgehine toimindu

Jälles voinua Vladimir Nikolajevič jatkoi sluužban armies. Häi oli monis Nevvostoliiton liittolazien Päivänlaskumualois II Muailman voinan aigah. Vuvvennu 1952 loppi S. M. Bud’onnoin nimizen yhtevyksen voiskien soda-akadiemien Leningruadas[3].

Nevvostoliiton ilmupuolistusvoiskien Radioelektrounizen borčan piälikönny polkovniekku Pčelincevua vuvvennu 1970 työttih Jegiptah Jegiptu-izrual’alazen vaivuanduvoinan aigah oficieroin da generualoin joukonke yhtes muan Ilmupuolistusvoiskien piälimäzen Nevvostoliiton maršalan P. F. Batickoin johtol Jegiptan ilmupuolistuksen luadimizekse[8].

Vuvves 1976 Pčelincev oli rezervas polkovniekan arvonimis. Eli da ruadoi Moskovan alovehen Balašihas. Ruadoi repatriacien komitietas, oli nuorižonke pietyn soda-ižänmuansuvaičusruavon aktiivizennu ozanottajannu[4]. On pandu muah Balašihas Miikul-Arhangelin kalmužimale.

Situatat

Elokuul vuvvennu 1942 Vašingtonah Kanzoinvälizeh opastujien kerähmöh tulluzii nevvostolazii deleguattoi Krasavčenkuo, Pčelincevua da Pavličenkuo hedi tulendupäivänny kučuttih Valgieh taloih, kus hyö oldih yödy prezidentan gostinnu. Kolmandennu piän deleguatat piettih paginua ruadivos. Heidy kuului Vašingtonan suurel ruadivostansiel. Nevvostolazet deleguatat saneltih omas borčas gitlerovcoi vastah.

Erillizes ruadivolähetykses, kudai oli 28. elokuudu Amierikan Yhtysvallois, tarkah saneltih Pavličenkon, Krasavčenkon da Pčelincevan tulendas. Huondeslehtilöih painettih nevvostolazien opastujien kuvii, paginan heijänke da heijän Vašingtonah tulendan tarku kuvuamine.

Pčelincev saneli tarkahambujan nerolois da lopus ilmoitti[9]:

Myö voimmo voittua dai voitammo. Nenga sanoi Stalin, nenga rodieugi

Palkindot

Mustolaudu školal № 9 Petroskois
  • Kuldaine Tiähti -medali[5];
  • Leninan kunnivomerki;
  • Suuren Ižänmuallizen voinan I astien kunnivomerki;
  • Ruskien Tiähten kunnivomerki;
  • Sluužbas Ižänmuan hyväkse Nevvostoliiton Ammundutarbehil varustettulois voimis -III astien kunnivomerki;
  • medalit, niilöin luvus:
    • Medali "Germuanien voittamizes Suures Ižänmuallizes voinas vuozinnu 1941—1945"]];
    • vuozipäivymedali "Vuozien 1941—1945 Suuren Ižänmuallizen voiton 50-vuozipäivy";
    • vuozipäivymedali "Vuozien 1941—1945 Suuren Ižänmuallizen voiton 30-vuozipäivy";
    • vuozipäivymedali "Vuozien 1941—1945 Suuren Ižänmuallizen voiton 40-vuozipäivy";
    • vuozipäivymedali "Vuozien 1941—1945 Suuren Ižänmuallizen voiton 50-vuozipäivy";
  • palkindo-oružu: tarkahambujan nimelline vintouhku[5].

Perindö

Vladimir Pčelincev nuorusaijas pidi ruokos da tävvendi suurdu pereharhiivua, kudamas oli äijy harvinastu vehkehty[3]. Tämän arhiivan ozan hänen akkah, frontal olluh M. N. Pčelinceva andoi tutkijoile.

Musto

  • Urhomiehen kuva on Nevvostoliiton urhomiehien gallereis Petroskois.
  • Balašihan linnukunnan Zar’a-mikroalovehel Meččyuuličal taloil №2, kudamas eli urhomies, on azetettu mustolaudu.
  • Pčelincevan tarkahambujan nimelline vintouhku on ozutteluvehkehenny Piiterin valdivollizes histourien muzeis.
  • Karjalan kadietat -yhtistyksen nevvosto perusti Vladimir Pčelincevan nimizen siirdyjän kubkan Tarku ambui -kilvois[10].
  • Vladimir Pčelincevan uuličču on Piiterin Krasnosel’skois piiris, nämmis 15.08.2019 päivis algajen[11].

Bibliogruafii

Huomavukset

  1. ↑ 1 2 The Sniper Log Book Arhiivukoupii 2 oraskuudu 2010 Wayback Machine.
  2. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. — 464 с. : ил.,карт. — стр. 455 ISBN 978-5-8430-0125-4 (т. 2).
  3. ↑ 1 2 3 Капков Ю. Н. Пчелинцев Владимир Николаевич Arhiivukoupii 5 kevätkuudu 2010 Wayback Machine // «Ленинградский геофизик»
  4. ↑ 1 2 Зарубин А. «Твои герои, Ленинград. Пчелинцев Владимир Николаевич. Подвиг снайпера» Arhiivukoupii 22 talvikuudu 2015 Wayback Machine
  5. ↑ 1 2 3 4 5 6 В. Пчелинцев. Боевая перекличка // Комсорги переднего края. Ленинградский фронт / сб., сост. Ю. С. Кринов. Л., Лениздат, 1978. стр.58-66
  6. ↑ Солоницын Г. Снайпер Пчелинцев. // Военно-исторический журнал. — 1973. — № 1. — С.59-61.
  7. ↑ Russian Snipers of 1941—1945 years. «Пчелинцев Владимир Николаевич» Arhiivukoupii 16 talvikuudu 2009 Wayback Machine.
  8. ↑ Тестов В. В. Позиция «Зелёная зона». // Военно-исторический журнал. — 2015. — № 5. — С. 73.
  9. ↑ Хроника ТАСС. Пребывание в Вашингтоне советских делегатов на Международный съезд студентов. Вашингтон, 30 августа 1942 г. (ТАСС). Цитируется по книге: Пчелинцев В. Н. Накануне Ассамблеи // Особая миссия. — М.: Мол. гвардия, 1991. — С. 58,59. — 218 с. — 50 000 экз. — ISBN 5-235-01453-7.
  10. ↑ Кадеты Карелии. Kačondan päivymiäry: 21. oraskuudu 2013. Arhiviiruittu 3. syvyskuudu 2014
  11. ↑ В Петербурге появилось 10 новых улиц. Kačondan päivymiäry: 19. kylmykuudu 2019. Arhiviiruittu 10. elokuudu 2020

Linkat

Vladimir Pčelincev (рус.). Muan urhomiehet -verkosivusto.

Лучший снайпер Ленинградского фронта. Журнал "Камертон" https://webkamerton.ru/2021/05/luchshiy-snayper-leningradskogo-fronta

Lähteh - "https://olo.ruwiki.ru/w/index.php?title=Vladimir_Pčelincev&oldid=126357289"