P'otr Petrov

P'otr Mihailovič Petrov
Roindupäivy	16. pakkaskuudu 1910(1910-01-16)
Roindukohtu	Petroskoi, Ven’an valdukundu
Kuolendupäivy	23. kylmykuudu 1941(1941-11-23) (31 vuozi)
Kuolendukohtu	Aleksejevka-stansii, Kurskan aloveh, Ven’an federatiivine socialistine nevvostotazavaldu, Nevvostoliitto
Kuulundu	Nevvostoliitto
Voiskien laji
Palvelun vuvvet	1939—1941
Arvonimi
Командовал	254. ammundulendopolku
Torat/voinat	Talvivoinu (1939—1940), Suuri Ižänmualline voinu
Palkindot	№ 300
Медиафайлы на РУВИКИ.Медиа

P'otr Mihailovič Petrov (1910—1941) on Talvivoinan da Suuren Ižänmuallizen voinan ozanottai, eskadriljan piälikkö, majouru, Nevvostoliiton urhomies.

Eloskerdu

Oli roinnuhes Petroskoin linnas ruadajan perehes. Oli ven’alaine.

Loppi seiččemen kluasan školan da fuabrikku-zavodanopastuksen školan, ruadoi raudusepänny Petroskoin raududorogustansien depos.

Ruadajien da muanruadajien Ruskies Armies oli vuvves 1929. Vuvvennu 1931 loppi Leningruadan Sodailmuvoimien soda-tehniellizen školan, sluuži lendojoukon tehniekänny Moskovan sodaokrugas. Vuvves 1932 kuului Kogo Nevvostoliiton bol’ševiekkoin kommunistizeh partieh.

Vuvvennu 1936 loppi Borisoglebskoin soda-lendoškolan, jatkoi sluužban ambujannu lendäjänny Leningruadan sodaokrugan ozastolois.

Talvivoinan ozanottai. Luodehfrontan 13. armien 68. erillizen ammundulendopolkan eskadriljan piälikkö kapituanu P. M. Petrov bojutehtäviä täyttäjes 17. tuhukuudu vuvvennu 1940 heittihes kylmänyöle Muolajärvele da vihollizen ammundan aigah otti oman ammundulendokonehen suksele sordunuon Nevvostoliiton ammundulendokonehen perämiehen da vedi händy Nevvostoliiton voiskien azetundukohtah. Täs urhotevos 7. sulakuudu vuvvennu 1940 hänele annettih Nevvostoliiton urhomiehen arvonimi.

Suurel Ižänmuallizel voinal oli vuvven 1941 kezäkuun 28. päiväs. 36. ilmudiviizien polkan piälikkö (Kijev). 254. ammundulendopolkan piälikkö majouru Petrov sordui alah omien voiskien zeniittu-puuškutules 23. kylmykuudu vuvvennu 1941 Aleksejevka-stansiel Kurskan alovehel.

On pandu muah velleskalmah № 18 rinnal keskuskalmužimanke Belgorodan alovehen Valuiskoin piirin Urazovo-kyläs.

Palkindot

• Nevvostoliiton Korgeviman Nevvoston Prezidiuman käskys 7. sulakuudu vuvvennu 1940 "johtokunnan tehtävien kunnollizes täyttämizes frontal suomelazii valgieloi gvardeicoi vastah da ozutetus rohkevuos da urholližuos" kapituanale P'otr Mihailovič Petrovale annettih Nevvostoliiton urhomiehien arvonimi yhtes Leninan kunnivomerkinke da Kuldaine Tiähti -medalinke (№ 300);
• Ruskien Flavun kunnivomerki (27.12.1941).

Pereh

• Tuattah — Mihail Sem’onovič, raududorogudepon ruadai.
• Muamah — Natalja Ivanovna.
• Vellekset — Aleksandr da Nikolai (majouru, eläkkehel).
• Sizär — Marija
• Akkah — (Žanna Šimovna Čečel’nickaja) Galina Sem’onovna Petrova (25.12.1915, Kirovograd — 14.12.2008, Moskovu). Ruadoi feršalinnu Keskussportuarmien kluuban sportukompleksas, miehele enämbiä ei mennyh.
  • Poigah — Anatolii Petrovič Petrov (roinnuhes 11.7.1934), Sodailmuvoimien podpolkovniekku, 1. kluasan sodalendäi.

Musto

Mustolaudu Petroskois

• P’otr Petrovan nimen sai Petroskoin uuličču, hänen mustokse on azetettu mustolaudu P. M. Petrovan uuličal da Petroskoin stansien raududorogudepon alovehel.
• P. M. Petrovan kuva on Nevvostoliiton urhomiehien gallereis, kudai avattih vuvvennu 1977 Karjalan piälinnas Petroskois, hänen kunnivokse on istutettu puu Urhomiehien kujol.

Kirjalližus

• Опарин В. Один против шести. [О Герое Советского Союза летчике-истребителе П. М. Петрове]. — Петрозаводск, Госиздат КАССР, 1961. — 52 с. с илл.
• Герои земли советской. — 2-е изд. — Петрозаводск, 1968.
• Хахалин Л. А. Пётр Петров: Страницы героической жизни: Документальная повесть. — Петрозаводск, 1983. — 101 с.

Linkat

• P'otr Petrov (рус.). Muan urhomiehet -verkosivusto.
• Петров Пётр Михайлович Arhiivukoupii 10 oraskuudu 2012 Wayback Machine.
• Фотография из фондов Национального архива Республики Карелия Arhiivukoupii 17 kylmykuudu 2015 Wayback Machine.
• Из наградного листа Arhiivukoupii 17 kylmykuudu 2015 Wayback Machine.