Aleksei Fofanov
| Aleksei Ivanovič Fofanov | |||||
|---|---|---|---|---|---|
 | |||||
| Roindupäivy | 15. oraskuudu 1915 | ||||
| Roindukohtu | Klimovskaja-kylä, Puudogan ujezdu, Anuksen gubernii | ||||
| Kuolendupäivy | 4. syvyskuudu 1986 (71 vuozi) | ||||
| Kuolendukohtu | Kijev | ||||
| Kuulundu |
 Nevvostoliitto |
||||
| Voiskien laji |
 |
||||
| Palvelun vuvvet | 1937—1960 | ||||
| Arvonimi |
 |
||||
| Torat/voinat |
Talvivoinu (1939—1940) Suuri Ižänmualline voinu |
||||
| Palkindot |
 |
||||
| Rezervas | vuvves 1960 | ||||
Aleksei Ivanovič Fofanov (15. oraskuudu vuvvennu 1915 — 4. syvyskuudu 1986) on Nevvostoliiton urhomies, 1. Ukrainan frontan 3. gvardien tankuarmien 91. erillizen tankujoukon 344. tankubataljounan tankuroutan piälikkö, vahnembi leitenantu[1].
Eloskerdu
Oli roinnuhes tundietun starinoinsanelijan Ivan Terentjevič Fofanovan pereheh[2]. Vuozinnu 1934—1936 opastui Petroskoin kooperatiivutehnikumas, ruadoi piirin kuluttajien liiton piäbuhgalterin abuniekannu Puudogas.
Vuvvennu 1937 händy otettih Ruadajien da muanruadajien Ruskieh armieh, sluuži tankujoukkolois. Vuvvennu 1939 loppi nuorembien piälikkölöin školan. Oli Talvivoinan (1939—1940) ozanottajannu. Vuvvennu liityi Kogo Nevvostoliiton bol’ševiekkoin kommunistizeh partieh.
Vuvven 1941 kezäkuus oli Suuren Ižänmuallizen voinan ozanottajannu, otti ozua puolistusbojuloih Ukrainal da Moskovan lähäl, yhtyi Dnepran ylittämizeh, Kijevan hyökkävysoperacieh. 7. kylmykuudu vuvvennu 1943 tankurouttu Aleksei Fofanovan johtol enzimäzenny piäzi Fastov-linnah. Hänen tanku bojuloin aigah hävitti vihollizen viizi tankoinvastustuslaitehtu, nelli pulem’outtua, T-6 Tigr-tankan da kolme avtomašinua.
Oli ezitetty Nevvostoliiton urhomiehen arvonimen suajakse routan nerokkahas ohjuandas, omas urhakkahuos da urholližuos. Nevvostoliiton Korgeviman Nevvoston Prezidiuman käskys ”Nevvostoliiton urhomiehen arvonimen annandas Ruskien Armien generualoile, oficieroile, seržantoile da saldatoile” 10. pakkaskuudu vuvvennu 1944 ”johtokunnan tehtävien kunnollizes täyttämizes frontal nacistoi vastah da ozutetus rohkevuos da urholližuos” sai Nevvostoliiton urhomiehen arvonimen Leninan kunnivomerkin da Kuldaine Tiähti -medalinke[3].
Jälles voinua ruadoi syväinazieloin da Karjal-suomelazen socialistizen nevvostotazavallan valdivollizen turvalližuon elimis.
Vuvves 1958 eli Kijevas. Vuvvennu 1960 majouran virras lähti sluužbaspäi iäre.
Kuoli 4. syvyskuudu vuvvennu 1986 Kijevas, on pandu muah Meččykalmužimal Kijevas.
Palkindot da arvonimet
- Leninan kunnivomerki;
- Kuldaine Tiähti -medali;
- Ruskien Flavun kunnivomerki;
- Suuren Ižänmuallizen voinan I astien kunnivomerki;
- Karjalan tazavallan kunnivokanzalaine -arvonimi (kuoltuu, vuvvennu 2025)[4].
Pereh
Tuatto — Ivan Terentjevič Fofanov, muamah — Natalja Timofejevna Fofanova, sizär — Natalja, velli — Vasilii.
Akkah — Lidija Vasiljevna Fofanova, tytär — Galina, poigah — Sergei.
Musto
- Urhomiehen nimi da kuva on Nevvostoliiton urhomiehien gallereis Petroskois;
- Kijevan alovehen Fastov-linnas urhomiehen nimio on annettu uuličale.
Huomavukset
- ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: «ПетроПресс», 2011. — 384 с.: ил., карт. ISBN 978-5-8430-0127-8 (т. 3) — стр. 219.
- ↑ Гвоздева Ж. В. Родословная пудожского сказителя И. Т. Фофанова в свете полевых материалов и архивных источников Arhiivukoupii 7 kevätkuudu 2016 Wayback Machine.
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 pakkaskuudu (№ 3 (263)). — С. 1. Архивировано 7 talvikuudu 2021 года.
- ↑ Уроженцам и жителям Карелии – Героям Советского Союза – присвоены звания Почетных граждан республики (рус.). Официальный интернет-портал Республики Карелия. Kačondan päivymiäry: 21. elokuudu 2026.
Kirjalližus
- Соколов А. Крепче брони. [О командире танковой роты Герое Советского Союза А. И. Фофанове]. — Петрозаводск, Карел. кн. изд., 1963. — 75 с.; 1 л. портр.
- Герои земли советской. — Петрозаводск: Карельское книжное издательство, 1968. — С. 337—350. — 367 с. — 20 000 экз.
Linkat
- Aleksei Fofanov (рус.). Muan urhomiehet -verkosivusto.
- Из наградного листа.
- Rodivunnuot 15. oraskuudu
- Rodivunnuot vuvvennu 1915
- Kuolluot 4. syvyskuudu
- Kuolluot vuvvennu 1986
- Persounat kirjaimikon mugah
- Majourat (Nevvostoliitto)
- Nevvostoliiton urhomiehet
- Leninan kunnivomerkin kavalierat
- Ruskien Flavun kunnivomerkin kavalierat
- Ižänmuallizen voinan I astien kunnivomerkin kavalierat
- Karjalan tazavallan kunnivokanzalazet
- Puudogan piiris rodivunnuot
- Suuren Ižänmuallizen voinan tankistat