Anna Lisicina

Экспертиза РАН

On pietty
Ven'an tiedoakadiemien tarkastus

Ližäkse

Экспертиза РАН

On pietty
Ven'an tiedoakadiemien tarkastus

Ližäkse

Anna Lisicina
Roindupäivy	14. tuhukuudu 1922(1922-02-14)
Roindukohtu	Karjalan ruadokommuunu[d], Ven'an federatiivine socialistine nevvostotazavaldu[d]
Kuolendupäivy	3. elokuudu 1942(1942-08-03) (20 vuottu)
Kuolendukohtu	Sviri[d], Leningruadan aloveh[d], Ven'an federatiivine socialistine nevvostotazavaldu[d], Nevvostoliitto
Mua	Nevvostoliitto
Palkindot da arvonimet
Медиафайлы на РУВИКИ.Медиа

Anna Mihailovna Lisicina (veps. Anna Lisicina, Mihailan tütär, 14. tuhukuudu 1922 – 3. elokuudu 1942) on partizuanu, Karjal-Suomelazen socialistizen nevvostotazavallan Kommunistizen puolovehen keskuskomitietan yhtevyksenpidäi, Nevvostoliiton urhomies. On palkittu Leninan kunnivomerkil da Ruskien tiähten kunnivomerkil.

Eloskerdu

Oli roinnuhes Osraojan hierus (tänäpäi se kuuluu Onieganrannikon piirin Kalajoven kyläh). Kanzua myöte oli vepsäläine.

Loppi školan Kalajoves. Vuozinnu 1938-1940 opastui Leningruadan kirjastoloin tehnikumas (libo Karjalan kul'tuuruopistos), kudaman loppiettuu rubei ruadamah Segežan piirin kluubas kirjastonhoidajannu.

Kezäkuul vuvvennu 1942 händy da Marija Melentjevua työttih Šoutjärven piirih, kudai oli suomelazien valloitettu. Sie hyö kerättih tieduo valloittajien vallas, heijän ammundukohtien da puolistuksien sijoitandas, luajittih kontaktoi rahvahanke.

Tehtävän täytändäs tulles Lisicina uppoi Sviris poikki mennes, ga ehti andua Marija Melentjevale kerätyt tiijustelutiijot.

Nevvostoliiton Korgeviman Nevvoston Prezidiuman käskys 25. syvyskuudu vuvvennu 1943 Anna Lisicinale, kuoltuu, annettih Nevvostoliiton urhomies -arvonimi johtokunnan käskyn kunnon täyttämizes da urholližuos bojulois valloittajii vastah.

Palkindot da arvonimet

• Nevvostoliiton urhomies (1943);
• Leninan kunnivomerki;
• Ruskien Tiähten kunnivomerki;
• Karjalan tazavallan kunnivokanzalaine -arvonimi (kuoltuu, vuvvennu 2025).

Musto

• Lisicinan mustokse Podporožje-linnas da Kalajoven kyläs on azetettu mustopaččahat.
• Hänen nimi on annettu pihoile Petroskois, Kalajoven kyläs, Nikol'skii-linnan jyttyzes kyläs, Lietmajärven kyläs, sežo kalastuslaivale, Petroskoin kul'tuuruopistole da Merilaivaston ministerstvan laivale.
• Anna Lisicinale da Marija Melentjevale on omistettu Aleksandr Ivanovan ozutelmu "Se oli Karjalas" (ven. «Это было в Карелии») da Gennadii Fišan Ystävättäret-oučerku (ven. «Подруги»).
• Anna Lisicinan portriettu on Karjalaspäi rodužin olijoin Nevvostoliiton urhomiehien gallereis, kudai avattih vuvvennu 1977 Petroskois Antikazen da Ruskien uuličan lohkol.

• 3. elokuudu vuvvennu 2025 urhomiehen mustopäivänny Onieganrannikon piirin Kalajoven kyläs avattih Anna Lisicinan muzei.

• 

  Mustomerki Petroskois A. Lisicinan uuličal

• 

  Mustolaudu taloil № 2 A. Lisicinan uuličal Petroskois ven'an da suomen kielel

• 

  Mustopačas Nikol'skii-kyläs

Kačo ližäkse

• Anna Lisicinan mustopačas
• Aleksei Smirnov

Huomavukset

Kirjalližus

• Герои земли советской. — Петрозаводск: Карельское книжное издательство, 1968. — С. 169-186. — 367 с. — 20 000 экз.
• Г. Фиш. Карельские девушки (о А. М. Лисицыной и М. В. Мелентьевой) // Героини. Очерки о женщинах — Героях Советского Союза. / ред.-сост. Л. Ф. Торопов. вып.1. М., Политиздат, 1969. стр. 327—345.
• Гордиенко А. А. На пути к рассвету: повесть о Героях Советского Союза А. Лисициной и М. Мелентьевой. — Петрозаводск, 1990. — 295 с.

Linkat

• Дню победы посвящается. Герои Советского Союза Лисицына Анна Михайловна и Мелентьева Мария Владимировна
• Anna Lisicina (рус.). Muan urhomiehet -verkosivusto.
• Дом в Рыбреке, где родилась и жила А. М. Лисицына
• Памятник А. М. Лисициной в Рыбреке
• К 100-летию со дня рождения А. М. Лисицыной