F'odor Šel'šakov

F'odor Afanasjevič Šel'šakov
Roindupäivy	24. kezäkuudu 1918(1918-06-24)
Roindukohtu	Soročje pole -kylä, Anuksen gubernii
Kuolendupäivy	11. elokuudu 1981(1981-08-11) (63 vuottu)
Kuolendukohtu	Suojärvi, Karjalan avtonoumine socialistine nevvostotazavaldu
Kuulundu	Nevvostoliitto
Voiskien laji
Palvelun vuvvet	1939—1945
Arvonimi
Torat/voinat	Suuri Ižänmualline voinu
Palkindot
Rezervas	vuvveы 1945

F'odor Afanasjevič Šel'šakov (24. kezäkuudu vuvvennu 1918 — 11. elokuudu vuvvennu 1981) on Nevvostoliiton urhomies, 206. ammundudiviizien 722. miinoinheitinroutan piälikkö, vahnembi leitenantu.

Eloskerdu

Oli roinnuhes muanruadajien lapsekkahah pereheh. Oli ven’alaine. Tuattah ruadoi sepänny. F’odor loppi nelli kluassua, sen jälles rubei ruadamah kolhozas, sit ruadoi jovenajajannu.

Šel'šakovua otti Ruadajien da muanruadajien Ruskieh Armieh vuvvennu 1939 Karjalan avtonoumizen socialistizen nevvostotazavallan Puudogan piirin sodokomitiettu. Sluuži ammundujoukkolois Nevvostoliiton päivänlaskurajal, oli Suuren Ižänmuallizen voinan ozanottajannu.

Enzimäine boju fašistoin valloittajienke Šel'šakoval oli kezäkuul vuvvennu 1941 Belaja Cerkov' -linnan lähäl (Ukrainu), kus häi oli jygiesti ruanittu da työtty gospitalih. Otti ozua Moskovan torah, erinomah ozutti iččie bojulois Jel’n’an, Tulan, Malojaroslavcan lähäl, händy palkittih sit Ruskien Tiähten kunnivomerkil da kahtel medalil "Rohkevuos".

Vuvvennu 1942 nuorembien leitenantoin kursiloin opastundan jälles Šel'šakov rodih oficierakse-miinoinheittäjäkse. Kezäl vuvvennu 1943 vahnembi leitenantu F'odor Šel'šakov oli 772. ammundupolkan miinoinheitinroutan piälikönny (20. ammundudiviizii, 21. ammundukorpussu, 47. armii, Voronežan frontu).

Erinomah ozutti iččie Dnepran valloitusbojus. 25. syvyskuudu vuvvennu 1943 Čerkasskoin alovehen Pekari-kylän lähäl oli enzimäzii, ken suatoi oman routan Dnepran päivänlaskurannale. Placdarmal monien atuakkoni vastustettuu routtu andoi mahton polkan ozastoloile tulla Dnepras poikki. Urholližuos Dnepran valloitusbojus vahnembale leitenantale F'odor Šel'šakovale 3. heinykuudu vuvvennu 1944 annettih Nevvostoliiton urhomiehen arvonimi.

Jälles voinua eli Suojärves, ruadoi rakenduslaitoksis, DOSAAF:n piirikomitietas.

On pandu muah Suojärves.

Palkindot da arvonimet

• Leninan kunnivomerki;
• Kuldaine Tiähti -medali;
• Suuren Ižänmuallizen voinan II astien kunnivomerki;
• Ruskien Tiähten kunnivomerki;
• Medali "Rohkevuos"
• Karjalan tazavallan kunnivokanzalaine -arvonimi (kuoltuu, vuvvennu 2025).

Musto

• Suojärven linnas taloil, kus eli urhomies, on azetettu mustolaudu;
• F'odor Šel'šakovan nimen sai eräs Suojärven piäuuličois da uuličču Puudogas;
• Urhomiehen nimi da kuva ollah Nevvostoliiton urhomiehien gallereis Petroskois;
• Ven’an soda-histourielline yhtistys azetti mustolavvan Šel'šakovan mustokse Puudogan piirin Karševskoin keskiškolas, kus häi opastui.

Huomavukset

Kirjalližus

• Игумнов А. Героическая переправа. [О боевом пути Ф. А. Шельшакова]. — Петрозаводск, Госиздат КАССР, 1960. — 32 с.
• Герои земли советской. — Петрозаводск: Карельское книжное издательство, 1968. — С. 351—365. — 367 с. — 20 000 экз.

Linkat

• F'odor Šel'šakov (рус.). Muan urhomiehet -verkosivusto.
• Из наградного листа Arhiivukoupii 6 oraskuudu 2016 Wayback Machine.
• Могила Героя Советского Союза Ф. А. Шельшакова Arhiivukoupii 7 kevätkuudu 2016 Wayback Machine.