Vasilii Zaicev

On otettu Рувики-späi
Vasilii Mihailovič Zaicev
Зайцев Василий.jpg
Roindupäivy 26. elokuudu 1910(1910-08-26)
Roindukohtu Puzakino-kylä, Opočenskoi ujezdu, Pskovan gubernii, Ven'an valdukundu[1]
Kuolendupäivy 7. talvikuudu 1941(1941-12-07) (31 vuozi)
Kuolendukohtu Lazareviči-kylä, Tihvinän piiri, Leningruadan aloveh, Ven’an federatiivine socialistine nevvostotazavaldu, Nevvostoliitto
Kuulundu  Ven'an valdukundu  Nevvostoliitto
Voiskien laji
Бронетанковые войска
Arvonimi Младший лейтенант
Torat/voinat Talvivoinu (1939—1940), Suuri Ižänmualline voinu
Palkindot
Герой Советского Союза
Leninan kunnivomerki
ПочётныйГражданинКарелии.png

Vasilii Mihailovič Zaicev (26. elokuudu vuvvennu 1910 — 1941) on Suuren Ižänmuallizen voinan ozanottai, 4. erillizen armien (kudai oli Korgeviman Johtoelimen alazennu) 46. tankujoukon 46. tankupolkan vzvodan piälikkö, vahnembi leitenantu, Nevvostoliiton urhomies.

Eloskerdu

Oli roinnuhes 26. elokuudu vuvvennu 1910 Puzakino-kyläs[1] muanruadajien pereheh. Oli ven'alaine.

Vuvvennu 1929 muatalovustehniekuman loppiettuu ruadoi agronomannu Pskovan alovehmuatalovusstansiel, sit agronomannu Sičovan mašintraktorustansiel da vahnembannu agronomannu Opočeckoin piirin muaozaston vahnembannu agronomannu.

Vuvves 1930 vuodessah 1931 ruadoi Pskovan piirin Stremutka-kylän koittelustansiel koitteluazieloin tehniekänny. Vuvvennu 1932 oli vahnembannu agronomannu Zalučskoin piirin alovehozastos, vuozinnu 1934—1935 — vahnembannu agronomannu Sošihinkoin piirin alovehozastos. Vuvvennu 1936 ruadoi muatalovusozuttelun agronomannu-järjestäjänny Ličkovskois piiris.

6. sulakuudu vuvvennu 1931 — 15. talvikuudu vuvvennu 1936 opastui Leningruadan muatalovusinstituutas peldoruavon tiedokunnal, vuozinnu 1933—1936 oli joukon ammattijärjestäjänny. Instituutan loppiettuu händy työttih ruadoh Karjalan avtonoumizeh socialistizeh nevvostotazavaldah Velikaja Guba -kylän mašintraktorustansien vahnembakse agronomakse. 15. pakkaskuudu vuvvennu 1937 händy pandih azientiedäjän virgah Karjalan avtonoumizen socialistizen nevvostotazavallan Muatalovuon rahvahan komissariuatan Ozuttelukomitietan tyves — Kogo Nevvostoliiton muatalovusozuttelun valmistamizeh niškoi. Vuvven 1937 elokuun 1. päiväs ruadoi vahnembannu agronomannu Karjalan avtonoumizen socialistizen nevvostotazavallan linnanymbäristön souhozoin trestas Petroskois (toizien tiedoloin mugah — Karjalan avtonoumizen socialistizen nevvostotazavallan Rahvahan Komissuaroin Nevvoston alazes souhozoin trestas, souhozois).

Vuvvennu 1939 Zaicevua otettih Ruadajien da muanruadajien Ruskieh Armieh. Otti ozua Talvivoinah (1939—1940) — sluuži taknan piälikönny tankuozastolois Leningruadan sodaokrugas.

Jälles armiedu ruadoi Karjal-suomelazen socialistizen nevvostotazavallan Souhozoin Rahvahan Komissuariatan hallindos mehanizacien ozaston piälikönny, Karjal-suomelazen socialistizen nevvostotazavallan Souhozoin Rahvahan Komissuaran sijahizennu.

Kodvazen aigua eli Jaroslavl'an piirin Danilovon piiris.

Suuren Ižänmuallizen voinan allettuu Zaicevua 26. kezäkuudu vuvvennu 1941 otettih Ruskieh Armieh. Vuvven 1941 kylmykuussah häi otti ozua bojuloih 4. erillizen armien 46. tankujoukon 46. tankupolkah kuulujannu Karjal-suomelazen socialistizen nevvostotazavallan alovehel, jälles — Volhovan frontal oli tankuvzvodan piälikönny.

Bojulois Tihvinän lähäl Lazareviči-kylällyö 1. talvikuudu — 7. talvikuudu vuvvennu 1941 ozutti urhalližuon da urhakkahuon. V. M. Zaicevan vzvodan tankistat hävitettih kolme tankoinvastustuslaitehtu da mondu pulem'outtua, hävitettih vihollizen saldattua da oficierua läs routan verdah. Bojus V. M. Zaicevan tankan oli ambunuh da viritännyh viholline. Zaicev käski tankas olijoile lähtie iäre, ga iče ei lähtenyh, jatkoi ammundan. Paloi omas tankas. Jälles bojuu händy pandih muah Lazareviči-kylällyö.

Myöhembä oli pandu muah velleskalmah Vällyön lagevol Tihvinäs.

Nevvostoliiton Korgeviman Nevvoston Prezidiuman käskys 17. talvikuudu vuvvennu 1941 nuorembi leitenantu Vasilii Mihailovič Zaicev kuoltuu sai Nevvostoliiton urhomiehen arvonimen da Leninan kunnivomerkin.

16. talvikuudu vuvvennu 1941 46. tankupolkan piälikkö majouru Kuz’menko kehittäjes Zaicevua Nevvostoliion urhomiehekse kirjutti:

«Bojulois Tihvinän lähäl 1. talvikuudu — 6. talvikuudu vuvvennu 1941 Zaicev ozutti urholližuon da urhakkahuon. Tankois ambujes Lazareviči-kyläh päi häi pani vihollizen pagenemah, hävitti sadoi saldattoi da oficieroi, kolme tankoinvastustuslaitehtu, 20 pulem’outtua, kolme avtomašinua».

Pakindot da arvonimet

  • Leninan kunnivomerki;
  • Kuldaine Tiähti -medali;
  • Karjalan tazavallan kunnivokanzalaine -arvonimi (kuoltuu, vuvvennu 2025)[2].

Pereh

Akku — Zoja Vasiljevna, tytär — Svetlana.

Musto

V. M. Zaicevan mustomerki Šuojun kyläs

Petroskoi

Vasilii Zaicevan nimi on annettu monile objektoile Petroskois:

  • Zaicevan uuličču;
  • Vasilii Zaicevan pieni puusto;
  • V. M. Zaicevan mustomerki;
  • V. M. Zaicevan mustolaudu;
  • V. M. Zaicevan kuva Nevvostoliiton urhomiehien gallereis;
  • V. M. Zaicevan kunnivokse istutettu puu Urhomiehien kävelykujol (on azetettu mustolaudu sih).

Šuoju

  • V. M. Zaicevan mustopačas.
  • V. M. Zaicevan nimi on annettu Karjalan tazavallan Onieganrannikon piirin Šuojun kylän souhozale, kudamas häi ruadoi enne voinua (nygöi — ven. ОАО «Агрофирма имени В. М. Зайцева»)[3].

Tihvin

  • V. M. Zaicevan uuličču.

Lazareviči

Lazareviči-kyläs on azetettu mustomerki Vasilii Zaicevan kunnivokse.

Huomavukset

  1. ↑ 1 2 Ныне — Опочецкий район, Псковская область, Россия.
  2. ↑ Уроженцам и жителям Карелии – Героям Советского Союза – присвоены звания Почетных граждан республики (рус.). Официальный интернет-портал Республики Карелия. Kačondan päivymiäry: 21. elokuudu 2026.
  3. ↑ Памятные места в Санкт-Петербурге Arhiivukoupii 2 talvikuudu 2020 Wayback Machine.

Kirjalližus

  • Зайцев Василий Михайлович // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Арсеньев А. Я. Псковичи — Герои Советского Союза / А. Я. Арсеньев, А. П. Арсеньева. — Л.: Лениздат, 1983. — С. 136-138. — 271 с.
  • Герои земли советской. — 2-е изд., испр., доп. — Петрозаводск, 1968. — С. 117—128.
  • Зайкова Т., Смирнова Ф. Он прославился в Тихвине // Ленинская правда. — 1970, 17 марта.
  • Зайцев Василий Михайлович // Героям Родины — слава! — 3-е изд., испр. и доп. — Петрозаводск, 1985 — С. 260—261.
  • Герои Тихвина — герои Ленинграда // Буров А. В. Твои герои, Ленинград. — 2-е изд., доп. — Л., 1970. — С. 116—119.
  • Кондратьев Ф. Г. Агроном-танкист // Наши улицы. — Петрозаводск, 1962 (и др. лет издания). — С. 85-89.
  • Наградной лист на командира взвода 46-го танкового полка младшего лейтенанта В. М. Зайцева от 10 декабря 1941 г.// ЦАМО РФ, ф. 33, оп. 793 756, д. 17, л. 96.
  • Хилтунен Р. Во имя Родины. — Петрозаводск, 1961.
  • Хилтунен Р. Парень из нашего города // Герои земли советской. — Петрозаводск, 1968. — С. 117—129.

Linkat

Vasilii Zaicev (рус.). Muan urhomiehet -verkosivusto.

Lähteh - "https://olo.ruwiki.ru/w/index.php?title=Vasilii_Zaicev&oldid=126355734"