Aleksandr Kalinin
| Aleksandr Kalinin | |||
|---|---|---|---|
 | |||
| Roindupäivy | 16. tuhukuudu 1975 | ||
| Roindukohtu | Vojačču, Segežan piiri, Karjalan avtonoumine socialistine nevvostotazavaldu, Nevvostoliitto | ||
| Kuolendupäivy | 21. tuhukuudu 2000 (25 vuottu) | ||
| Kuolendukohtu | Harsenoi-kylä, Šatoiskoi piiri, Čečeenii, Ven’a | ||
| Kuulundu |
 Nevvostoliitto,  Ven'anmua |
||
| Voiskien laji | Piätiijusteluhallindon erillizen tarkoituksen joukko | ||
| Palvelun vuvvet | 1992-2000 | ||
| Arvonimi | kapituanu | ||
| Ozasto | erillizen tarkoituksen joukon 2. erilline briguadu | ||
| Virgu | miniiruičendujoukon piälikkö | ||
| Torat/voinat | Toine Čečeenien voinu | ||
| Palkindot |
|
||
| Yhtevykset | M. V. Bočenkov, S. V. Samoilov | ||
Aleksandr Anatoljevič Kalinin (ven. Александр Анатольевич Калинин; 16. tuhukuudu 1975, Vojačču, Karjalan tazavaldu — 21. tuhukuudu 2000, Šatoin piiri[d], Čečeenien tazavaldu[d]) on Ven’an Federacien Ammundutarbehil varustettuloin voimien kapituanu, Toizen Čečeenien voinan ozanottai, Ven’an Federacien urhomies (2000, kuoltuu). Ven’an Federacien Ammundutarbehil varustettuloin voimien Piäštuaban Piätiijusteluhallindon erillizen tarkoituksen 2. erillizen briguadan miniiruičendujoukon piälikkö.
Eloskerdu
Oli roinnuhes 16. tuhukuudu vuvvennu 1975 Karjalan avtonoumizen socialistizen nevvostotazavallan Segežan piirin Vojačun kyläs. Oli ven’alaine. Loppi keskiškolan.
Vuvvennu 1992 Kalininua otettih armieh. Piäzi opastumah R’azanin ilmudesantujoukko-opistoh, ga sit händy siirrettih Novosibirskan korgien voiskienvälizen opiston kursantoin 16. routtah[1], loppi opiston vuvvennu 1996. Sluuži erillizen tarkoituksen 2. erillizes briguadas[2], kudai oli Leningruadan sodaokrugas (Pskov), sodaozasto № 64044[3]. Oli erillizen tarkoituksen joukon piälikönny, tiijustelujoukon piälikönny, tiijoitusozaston vahnembannu kiändäjänny, sit rodih miniiruičendujoukon piälikökse.
Oman joukon piälikönny otti ozua Toizeh Čečeenien voinah, vuvvennu 1999 händy palkittih Urhakkahuon kunnivomerkil.
21. tuhukuudu vuvvennu 2000 Šatoiskoin piirin Harsenoi-kylän lähäl 2. erillizen tarkoituksen briguadan kaksi joukkuo, kudamis oli 25 hengie, puututtih peittojoukon kobrih, sidä valmistettih moni sadua bojeviekkua. Kai 25 erillizen tarkoituksen joukon saldattua da kaheksa saldattua toizes ozastospäi, kudamat opittih tulla abuh, kuoltih, jälles plenah otettuloin bojeviekkoin da kylän eläjien sanoin mugah tiijustettih, ku bandietat kaimattih 70 — 100 hengie vaiku tapettuloinnu.
Kapituanu Aleksandr Kalinin on pandu muah Pskovas Orlecovskoil kalmužimal.
Ven’an Federacien piämiehen vuvven 2000 kezäkuun 24. päivän käskys № 1162 kapituanale Aleksandr Anatoljevič Kalininale ozutettulois urhakkahuos da urholližuos Pohjas-Kavkuazan alovehel sodavelvolližuksii täyttäjes annettih Ven’an Federacien urhomiehen arvonimi (kuoltuu). Ven’an Federacien urhomiehen arvonimi sežo annettih surman suannuzile kapituanale M. V. Bočenkovale da vahnembale leitenantale S. V. Samoilovale, а 22 suraman suannuttu seržantua da saldattua kuoltuu palkittih Urhakkahuon kunnivomerkilöil[4].
Musto
Urhomiehen nimi on annettu uuličale hänen roindukyläs Vajočus.
Urhomiehen mustopačas on azetettu Novosibirskan korgien voiskienvälizen opiston loppenuzien Urhomiehien mustomerkil.
Ven’an Federacien puolistusministran käskys Aleksandr Kalininua kuoltuu liitettih Piäštuaban Piätiijusteluhallindon erillizen tarkoituksen 2. erillizen briguadan 2. routan luvetteluh.
Vuvvennu 2018 Urhomiehen mustopačas azetettih Petroskois[5].
Huomavukset
- ↑ Калинин Александр Анатольевич (рус.). nvvku.academ.org. Kačondan päivymiäry: 10. syvyskuudu 2025.
- ↑ 2-я Отдельная Бригада спецназа ГРУ ГШ (2 ОБрСпН). Kačondan päivymiäry: 10. syvyskuudu 2025. Arhiviiruittu 5. talvikuudu 2014
- ↑ 21 февраля 2000 года в бою под Харсеноем погибло 33 человека, 25 из них разведчики Псковской бригады спецназа ГРУ. Kačondan päivymiäry: 10. syvyskuudu 2025. Arhiviiruittu 23. ligakuudu 2014
- ↑ Aleksandr Kalinin (рус.). Muan urhomiehet -verkosivusto. (Kačondan päivymiäry: 10 syvyskuudu 2025)
- ↑ Герой Александр Калинин (рус.). rk.karelia.ru. Kačondan päivymiäry: 10. syvyskuudu 2025.
Kirjalližus
- Новосибирцы — Герои Отечества. — Новосибирск, 2010.
- Север А. Спецназ ГРУ. — М.: Яуза, 2008.
- Блажко А., Самсонова Л. Иду в безмолвье ада… // Псковская земля. История в лицах. "Сии бо люди крылати…". — М., 2007. — 471—478 с.
- Колпакиди А. Спецназ ГРУ: самая полная энциклопедия. — М.: Эксмо: Яуза, 2012.
