Nikolai Repnikov

On otettu Рувики-späi
Nikolai F'odorovič Repnikov
Репников Николай Фёдорович.jpg
Roindupäivy 16. talvikuudu 1914(1914-12-16)
Roindukohtu Petrogadu, Ven'an valdukundu
Kuolendupäivy 4. talvikuudu 1941(1941-12-04) (26 vuottu)
Kuolendukohtu Karhumäin piiri, Karjal-suomelaine socialistine nevvostotazavaldu, Nevvostoliitto
Kuulundu  Nevvostoliitto
Voiskien laji
Авиация
Arvonimi Старший лейтенант
Torat/voinat Talvivoinu,
Suuri Ižänmualline voinu
Palkindot

Герой Советского Союза

Leninan kunnivomerki Leninan kunnivomerki Орден Красного Знамени
ПочётныйГражданинКарелии.png

Nikolai F'odorovič Repnikov (16. talvikuudu vuvvennu 1914 — 4. talvikuudu vuvvennu 1941) on Nevvostoliiton sodamies, Nevvostoliiton urhomies[1], 152. ammundulendopolkan eskadriljan piälikkö (103. segalendodiviizii, 7. erilline armii, Karjalan frontu), vahnembi leitenantu.

Eloskerdu

Oli roinnuhes vuvvennu 1914 Petrogradas (toizien tiedoloin mugah Arhangelin alovehen Kegostrovas). Hänen lapsusaigu meni Puudogas. Vuvvennu 1929 pereh muutui elämäh Petroskoih.

Loppi seiččemen kluasan školan da Fuabrikkuzavoduopastuksen školan Petroskois. Ruadoi raudusepänny Oniegan mašinoinrakendus- da metallurgiizavodal, kävyi harjaituksih Petroskoin lendokluubah vuvven 1934 tuhukuus.

18. tuhukuudu vuvvvennu 1935 luadi oman enzimäzen iččenäzen lennon. Lendokluuban loppiettuu sai ruadua lendo-opastajannu. 1. oraskuudu vuvvennu 1935 Petroskois avattih parašuuttulava, kudamaspäi Repnikov enzimäzien joukos hyppäi alah parašuutanke. Jälles lendokluuban tyveh avattih parašuuttuškola da tarvittavien sportunormien täytettyy Repnikov sai parašutistan rynnäsmerkin, händy työttih Moskovan parašuuttuškolah. Sen loppiettuu sai lendäiparašutistan opastajan arvonimen.

Vuvven 1936 sygyzys kuului Ruskieh Armien ilmudesantujoukkoloih, händy otti armieh Karjalan avtonoumizen socialistzien nevvostotazavallan Petroskoin linnan sodakomitiettu. Jälles maršalu K. J. Vorošilovan puoleh kiändymisty händy siirrettih ammundulendovoimih Arhangelin alovehen Kegostrovah, luadi iččenäzii lendoloi ammundulendokonehel.

Otti ozua Talvivoinah ammundulendovoimien joukkolois. Talvikuul vuvvennu 1939 rubei kuulumah Kogo Nevvostoliiton bol'ševiekkoin kommunistizeh partieh.

28. kezäkuudu vuvvennu 1940 nai. 16. kevätkuudu vuvvennu 1941 hänel rodih tytär Tatjana.

Vuvven 1941 kezäkuus oli Suuren Ižänmuallizen voinan ozanottajannu, ven. «И-16»-ammundulendokonehien joukon piälikönny. Vuvven 1941 talvikuukse Repnikov luadi 51 bojulenduo da sordi alah vihollizen viizi lendokonehtu.

Kuoli 4. talvikuudu vuvvennu 1941, Karjalan frontal häi oli enzimäzien joukos, ken rubei hyökkävymäh vihollizen lendokonehih. Häi sordi alah suomelazen as-seržantan T. Tuomizen LeLv28-joukospäi, kudamal oli kuuzi voittuo. Hänen lendokoneh MS.406 oli sorrettu alah Repnikovan Harrikeinol oččuhyökkävyksen aigah. Se hyökkävys täl lendokonehen lajil oli enzimäine nevvostolazes taivahas.

Nevvostoliiton Korgeviman Nevvoston Prezidiuman käskys "Nevvostoliiton urhomiehen arvonimen annandas Ruskien Armien johtokunnale da tavallizele hengikunnale" (ven. «О присвоении звания Героя Советского Союза начальствующему и рядовому составу Красной Армии») 22. tuhukuudu vuvvennu 1943 "johtokunnan bojutehtävien kunnollizes täyttämizes frontal germuanielazii fašistuvalloittajii vastah, rohkevuos da urholližuos" sai Nevvostoliiton urhomiehen arvonimen[2].

Oli palkittu kahtel Leninan kunnivomerkil da Ruskien Flavun kunnivomerkil.

Palkindot da arvonimet

  • Leninan kunnivomerki;
  • Kuldaine Tiähti -medali;
  • Ruskien Flavun -kunnivomerki;
  • Karjalan tazavallan kunnivokanzalaine -arvonimi (kuoltuu, vuvvennu 2025)[3].

Musto

  • Urhimiehen nimi on annettu Petroskoin erähäle uuličale da kujole;
  • Petroskoin Kirovan uuličal taloil, kus häi eli, on azetettu mustolaudu. Täl aigua kodi on riičitty da mustolaudu otettu iäre;
  • Nikolai Repnikovan kuva on Nevvostoliiton urhomiehien gallereis, kudai avattih vuvvennu 1977 Petroskois Antikazen da Ruskien uuličan lohkol;
  • Nevvostoliiton urhomiehien gallereinke rinnal on istutettu puu Nikolai Repnikovan kunnivokse;
  • Repnikovan uuličal Petroskois Nevvostoliiton urhomiehen kunnivokse on azetettu mustomerki.

Huomavukset

  1. ↑ Репников Николай Фёдорович // Авиационная энциклопедия в лицах / Отв. А. Н. Ефимов. — Москва: Барс, 2007. — С. 507. — 712 с. — ISBN 978-5-85914-075-6.
  2. ↑ Указ Президиума Верховного Совета СССР «О присвоении звания Героя Советского Союза начальствующему составу и рядовому составу Красной Армии» от 22 февраля 1943 года // Ведомости Верховного Совета Союза Советских Социалистических Республик : газета. — 1943. — 23 tuhukuudu (№ 9 (215)). — С. 1.
  3. ↑ Уроженцам и жителям Карелии – Героям Советского Союза – присвоены звания Почетных граждан республики (рус.). Официальный интернет-портал Республики Карелия. Kačondan päivymiäry: 20. elokuudu 2026.

Kirjalližus

  • Анатольев А. Отважный сокол. [Герой Советского Союза Н. Ф. Репников]. — Петрозаводск, Госиздат КАССР, 1960. — 64 с. с илл.
  • Герои земли советской. — Петрозаводск: Карельское книжное издательство, 1968. — С. 256—270. — 367 с. — 20 000 экз.
  • Гордиенко А. А. Минута жизни: Повесть. — Петрозаводск, 1967. — 108 с.

Linkat

Lähteh - "https://olo.ruwiki.ru/w/index.php?title=Nikolai_Repnikov&oldid=126360629"