Vasilii Filippov

Vasilii Makarovič Filippov
Roindupäivy	14. pakkaskuudu 1921(1921-01-14)
Roindukohtu	Pižuilan kylä, Karjalan ruadokommuunu, nygöi Kondupohjan piiri, Karjalan tazavaldu
Kuolendupäivy	5. ligakuudu 1944(1944-10-05) (23 vuottu)
Kuolendukohtu	Pol’šu
Kuulundu	Nevvostoliitto
Voiskien laji
Palvelun vuvvet	1939—1944
Arvonimi
Torat/voinat	Suuri Ižänmualline voinu
Palkindot

Vasilii Makarovič Filippov (14. pakkaskuudu 1921 — 6. ligakuudu 1944) on gvardien vahnembi leitenantu, Nevvostoliiton urhomies.

Eloskerdu

Oli roinnuhes muanruadajien pereheh, oli karjalaine.

Opastui Vuohtjärven alguškolas, sit Munjärvenlahten školas. Kaheksan kluasan loppiettuu ruadoi laskunpidäjänny kolhozas Vuohtjärvel.

Vuvvennu 1939 händy kučuttih Ruadajien da muanruadajien Ruskieh Armieh. Loppi kiirehizet nuorembien leitenantoin kursit artilierien opiston tyves vuvvennu 1941.

Torai Leningruadan, Karjalan da Voronežan frontal, Novosibirskan lähäl, Huruan rannan Ukrainal, otti ozua bojuloih Čehoslovuakies da Pol'šas.

4. Ukrainan frontan 1. gvardien armien 129. ammundudiviizien 299. gvardien ammundudiviizien tankoinvastustusbatarein piälikkö.

Urhotego

Syvyskuul vuvvennu 1944 siirdi artilierii batarein kohti ambumah Kamenne-kylän lohkol, vastusti vihollizen nelli vastastu atuakkua.

Ligakuul vuvvennu 1944 erähäs rynnäköl otandubojus hävitti vihollizen viizi ammundukohtua, vedi ambujii vihollizen dotan valloitandah da sai surman ruaniteksen periä.

Nevvostoliiton Korgeviman Nevvoston käskys 24. kevätkuudu vuvvennu 1945 V. M. Filippovale kuoltuu annettih Nevvostoliiton urhomiehen arvonimi.

On pandu muah Baligrud-kyläs.

Palkindot da arvonimet

• Leninan kunnivomerki;
• Kuldaine Tiähti -medali;
• Ruskien Tiähten kunnivomerki;
• Medali "Rohkevuos";
• Medali "Leningruadan puolistukses",
• Karjalan tazavallan kunnivokanzalaine -arvonimi (kuoltuu, vuvvennu 2025).

Pereh

Velli — Pedri, sizäret Vera da Marija.

Palkindot

On palkittu Leninan kunnivomerkil, Ruskien Tiähten kunnivomerkil, medaliloil ”Rohkevuos” da ”Leningruadan puolistamizes”.

Musto

• V. M. Filippovan mustokse Vuohtjärven, Munjärvelahten kylis, Kondupohjas on azetettu mustolavvat.
• Urhomiehen kuva on Nevvostoliiton urhomiehien gallereis Petroskois.

Huomavukset

Kirjalližus

• Герои земли советской. — Петрозаводск: Карельское книжное издательство, 1968. — С. 325-336. — 367 с. — 20 000 экз.
• Филиппов В. М. // Героям Ленина — Слава! — Петрозаводск. 1985. с. 292—293.
• Гринин Н. А. Подвиг артиллериста. — Петрозаводск. 1964. 40 с.

Linkat

• Vasilii Filippov (рус.). Muan urhomiehet -verkosivusto.
• Дом в д. Вохтозеро, в котором родился В. М. Филиппов.
• Из наградного листа Героя Советского Союза Филиппов Василия Макаровича.
• Филиппов В. М.