Dmitrii Kondratjev

On otettu Рувики-späi
Dmitrii Jurjevič Kondratjev
Kondratyev.jpg
Mua  Ven'anmua
Ammattiala lendäi-kosmonaftu
Soda-arvonimi
Погон полковника ВКС с 2010 года.png
Polkovniekku rezervas
Tutkimusmatkat Sojuz TMA-20[d], MKS-26[d] da MKS-27[d]
Aigu kosmosas 229 397
Roindupäivy 25. oraskuudu 1969(1969-05-25) (57 vuottu)
Roindukohtu Irkutsku, Nevvostoliitto
Palkindot
Логотип РУВИКИ.Медиа Медиафайлы на РУВИКИ.Медиа

Dmitrii Jurjevič Kondratjev (ven. Дмитрий Юрьевич Кондратьев; roin. 25. oraskuudu 1969, Irkutsku[d]) on Ven'an lendäi-kosmonaftu[1], Ven’an Federacien urhomies.

Eloskerdu

Tuatan ruadokohtu puaksuh muutui, sendäh pereh äijän kerdua muutti elosijan. Irkutskaspäi se muutui Jakuutien avtonoumizen socialistizen nevvostotazavallan N’urban piirin N’urban kyläh (kus Kondratjev opastui keskiškolas № 2), siepäi Alma-Atah.[2]

Vuvvennu 1986 loppi kymmene kluassua Alma-Atas. Vuvvennu 1990 loppi Kačinskoin A. F. M’asnikovan nimizen lendäjien korgien sodalennon opiston joukolline taktiekkuammundulendovoimat -opastusalan mugah, sai lendäi-inženieran ammatin[1]. Tuhukuul vuvvennu 2012 puolisti ekonoumiekkutiedoloin kandiduatan väitösruavon aihies ven. «Государственное регулирование российского рынка ценных бумаг в условиях финансовой глобализации».

Sluuži Besoučan lendopolkas Petroskoin lähäl[3].

Lendo kosmossah

Kosmossulaivukunnan piälikönny lendi kosmossah laival ven. Союз ТМА-20.

Lähti lendoh 15. talvikuudu vuvvennu 2010 ven. Союз ТМА-20-laivan piälikönny, MKS:n bortinženierannu 26. da 27. tutkimusmatkan programman mugah, yhtes astronaftoinke Paolo Nespoli da Ketrin Koulman. 17. talvikuudu laivu yhtistyi Kanzoinvälizen kosmossustansienke.

Lennon aigah kaksi kerdua lähti avvonazeh kosmossah:

  • 21. pakkaskuudu vuvvennu 2011 — kesti 5 čuassuu 22 minuuttua. Lähtendän aigah kosmonaftat azetettih Zvezda-huoldomodulin ruadotilan suuren diametran pinnal kovavauhtizen tiedoloinsiirrrändysistieman monoblokku da liitettih sen kabelit sistiemah, otettih iäre tiedoapparatuuran ven. ИПИ-СМ da "EXPOSE-R" "Zvezdan" pinnalpäi, azetettih da pandih ruadamah telekuameran pienel tutkimusmodulil ven. МИМ-1 «Рассвет» passivizen liityndyagregatan puoles.
  • 16. tuhukuudu vuvvennu 2011 — kesti 4 čuassuu 50 minuuttua. Lähtendän aigah kosmonaftat azetettih MKS:n pinnale tiedolaittehiston ven. «Молния-Гамма»-koitteluh nähte. Kosmonaftat otettih iäre kaksi ven. «Компласт»-panelii konstrukciimaterjualoin da suojuspiälyksien malliloinke, net oldih avvonazes kosmosas enämbän 12 vuottu, otettih iäre ven. «Якорь»-laittehen.

MKS:s olles Dmitrii Kondratjev pidi ruadivoyhtevytty lapsien kodiloin kazvattiloinke, kadiettukluassoin opastujienke da lendomodelikerhoh kävyjienke Petroskois. Muale tulduu kosmonaftu vastavui Petroskoin rahvahanke.[3][4]

24. oraskuudu vuvvennu 2011 heittyi ven. «Союз ТМА-20»-laivu istavui 147 kilometrii päivännouzuh päi Džezkazgan linnaspäi Kazahstuanas[5].

Kondratjevan lendo kesti 159 suutkua 07 čuassuu 16 minuuttua.

Lennon aigah Kondratjev kirjutti omua bloggua Federuallizen kosmossuagenstvan verkosivustol[6], oli ven. «Карусель»-kanualan lapsien ven. «Пора в космос!»-ohjelman toimittajannu.[7]

25.07.2012 lähti iäre ammundutarbehil varustettulois voimis da rubei ruadamah kauppualal, jätti kosmonftoin ruadokunnan[8]. Ruadoi vuitinomistaiyhtistykses ven. «Газпромбанк — Управление активами», jälles investiciilaitokses ven. «Универ капитал»[9].

Statistiekku[10]
# Stratulaivu Startu, UTC Tutkimusmatku Istundan laivu istundu UTC Lennähtys Lähtendät avvonazeh kosmossah Aigu avvonazes kosmosas
1 ven. Союз ТМА-20 15.12.2010, 19:09 ven. Союз ТМА-20, ven. МКС-26/ven. МКС-27 ven. Союз ТМА-20 24.05.2011, 02:26 159 suutkua 07 čuassuu 17 minuuttua 2 10 čuassuu 14 minuuttua
159 suutkua 07 čuassuu 17 minuuttua 2 10 čuassuu 14 minuuttua

Soda-arvonimet

Ven’an urhomiehen Kuldazen Tiähten annandu.
Moskovu, Kremli. 3. oraskuudu vuvvennu 2012
  • leitenantu (21.10.1990);
  • vahnembi leitenantu (27.10.1992);
  • kapituanu (11.11.1994);
  • majouru (26.12.1997);
  • podpolkovniekku (aigua ei miärätty);
  • polkovniekku (16.12.2006).

Palkindot

  • Ven’an Federacien urhomies da Ven’an Federacien lendäi-kosmonaftu (3. kevätkuudu vuvvennu 2012) — urhakkahuos da urholližuos pitkyaigazen kosmossulennon aigah Kanzoinvälizel kosmussustansiel[11];
  • II astien Arvoruadolois Ižänmuan hyväkse -kunnivomerki (2012)[12];
  • Nesterovan medali[13];
  • Ven’an Federacien Sodavoimien medalit: II astien Sodaurholližuos -medali, I, II, III astien Erimerkis sodapalvelus — medalit (Puolistusministerstvu), Palvelus Sodailmuvoimis -medali;
  • Aleksei Leonovan medali (Kemerovan aloveh, 2015) — kahtes avvonazeh kosmossah lähtendäs[14];
  • NASA:n medalit: "Arvokkahas yhteiskunnallizes palvelus" da "Kosmossah lennos";
  • kluassuammattinerot: "1. kluasan sodalendäi" da "oficieru-čukeldui".

Musto

  • Komonaftu Kondratjevan nimi on annettu uuličale Jakuutien tazavallan N’urban kyläs[2].

Pereh

  • On naizis, mučoi – Kondratjeva Dinara Gajarovna;
  • On kaksi lastu: poigu – Vladislav (roinnuhes vuvvennu 2005); poigu – V’ačeslav (roinnuhes vuvvennu 2009)[15].

Kinnostukset

  • Tiedokonehet, sportu[15].

Huomavukset

  1. ↑ 1 2 Дмитрий Юрьевич Кондратьев Dmitri Yuriyevich Kondratiyev. Kačondan päivymiäry: 16. talvikuudu 2010. Arhiviiruittu 28. tuhukuudu 2014
  2. ↑ 1 2 Лобков К. С берегов Вилюя к звёздам. // Красная звезда. — 2021, 6 сентября. — С.10. Kačondan päivymiäry: 11. syvyskuudu 2021. Arhiviiruittu 11. syvyskuudu 2021
  3. ↑ 1 2 Летчик-космонавт Дмитрий Кондратьев из Карелии стал Героем России. Kačondan päivymiäry: 5. oraskuudu 2012. Arhiviiruittu originualaspäi 16. oraskuudu 2012
  4. ↑ Звёздный герой. Лётчик-космонавт Дмитрий Кондратьев из Карелии стал Героем России. Газета "Мой Петрозаводск — Карелия". № 16 (66). 07 мая 2012 года, страница 4
  5. ↑ Спускаемый аппарат «Союз ТМА-20» совершил мягкую посадку. Kačondan päivymiäry: 10. kezäkuudu 2011. Arhiviiruittu 3. elokuudu 2012
  6. ↑ Блог Дмитрия Кондратьева. Kačondan päivymiäry: 10. kezäkuudu 2011. Arhiviiruittu 11. kezäkuudu 2011
  7. ↑ «Пора в космос!». Программа телеканала «Карусель». Kačondan päivymiäry: 10. kezäkuudu 2011. Arhiviiruittu 26. oraskuudu 2011
  8. ↑ Будущий экипаж МКС с единственной в РФ женщиной-космонавтом лишился командира: Герой России подался в коммерцию. Kačondan päivymiäry: 6. syvyskuudu 2012. Arhiviiruittu 21. syvyskuudu 2012
  9. ↑ Кондратьев, Дмитрий Юрьевич (рус.). ТАСС. Kačondan päivymiäry: 30. syvyskuudu 2025.
  10. ↑ Statistics - Kondratiyev Dmitri Yuriyevich (англ.). spacefacts.de. Kačondan päivymiäry: 4. tuhukuudu 2018. Arhiviiruittu 28. oraskuudu 2012
  11. ↑ Указ Президента Российской Федерации от 3 марта 2012 года № 270 "О награждении государственными наградами Российской Федерации"
  12. ↑ Награждённые государственными наградами Российской Федерации (рус.). www.kremlin.ru (3. oraskuudu 2012). Kačondan päivymiäry: 30. syvyskuudu 2025.
  13. ↑ Дмитрий Кондратьев: «Полёт в космос – только начало» / roscosmos.ru. Kačondan päivymiäry: 25. kylmykuudu 2020. Arhiviiruittu 15. sulakuudu 2021
  14. ↑ Первые космонавты получили медали имени Алексея Леонова в Звездном городке. Kačondan päivymiäry: 17. sulakuudu 2021. Arhiviiruittu 17. elokuudu 2021
  15. ↑ 1 2 Дмитрий Юрьевич Кондратьев (рус.). roscosmos.ru. Kačondan päivymiäry: 30. syvyskuudu 2025.

Linkat

Lähteh - "https://olo.ruwiki.ru/w/index.php?title=Dmitrii_Kondratjev&oldid=126361213"